Гродзенскія сябры партыі БНФ – за вылучэньне ад партыі кандыдатаў у дэпутаты парлямэнта, але пры выкананьні пэўных варункаў. Адмысловы ліст падрыхтавалі сябры гродзенскай арганізацыі сваім прадстаўнікам на Сойм партыі, які мае адбыцца ў гэтую суботу.
Вадзім Саранчукоў, кіраўнік гродзенскай гарадзской арганізацыі, лічыць, што ва ўмовах дыктатуры варта выкарыстоўваць усе магчымыя спосабы агітацыі за вольную і дэмакратычную Беларусь.
- Няўдзел у выбарах і невылучэньне кандыдатаў немагчымы для палітычнай арганізацыі. Але безумоўны ўдзел таксама немагчымы. Таму мы высоўваем некалькі патрабаваньняў: па-першае, зьмена прынцыпаў фармаваньня ўчастковых камісій для магчымасьці нагляду за выбарчым працэсам. І, па-другое, безумоўнае вызваленьне палітычных зьняволеных. Без выкананьня гэтых патрабаваньняў, тыя кандыдыты, якія будуць вылучаны, напярэдадні датэрміновага галасаваньня павінны будуць зняць свае кандыдатуры.
Плён перадвыбарчай і выбарчай кампаніі для прадстаўнікоў дэмакратычнай апазыцыі магчымы ў выпадку каардынацыі і паразуменьня, лічыць гродзенскі палітык. Такое меркаваньне, на думку Вадзіма Саранчукова, павінна быць агучана ўсім суб’ектам як мага хутчэй, бо просты байкот кампаніі для людзей незразумелы.
Z364852307450 ( 
ахвяраваць
E268241213694 ( 
R554264247266 (