Belarusian Center in Ukraine

Беларускі Цэнтр ва Украіне

МЭТЫ І ЗАДАЧЫ

1. Мэтай дзейнасці Цэнтра з'яўляецца абарона законных інтарэсаў членаў Цэнтра і садзейнічання наладжванню беларуска-ўкраінскіх адносін.

2. Задачамі Цэнтра з'яўляюцца:

- Распаўсюджванне аб'ектыўнай інфармацыі аб сітуацыі ў Беларусі;

- Наладжванне сувязяў з грамадскімі арганізацыямі, якія займаюцца беларускай тэматыкай;

- Садзейнічанне развіццю салідарнасці ўкраінскіх грамадзян з барацьбой беларускіх грамадзян за незалежнасць і дэмакратыю, свае законныя правы і свабоды;

- Дапамога прадстаўнікам дэмакратычных беларускіх арганізацый;

- Падтрымка традыцый ўкраінскага і беларускага народаў;

- Садзейнічанне распаўсюджванню інфармацыі аб гісторыі і культуры украінскага і беларускага народаў;

- Назіранне за выбарчым працэсам падчас парламенцкіх і мясцовых выбараў;

- Садзейнічанне росту прававой культуры грамадства;

- Прапаганда праваабарончых ідэй, міжнародных стандартаў правоў чалавека і асноўных свабод.

 Старшыня

Вячасла ў Сіўчык 

У 1984 г. скончыў геаграфічны факультэт Беларускага дзяржаўнага ўнівэрсытэту.

Сябра Сойму (1991), сакратар, адказны сакратар управы БНФ «Адраджэньне» (1995), старшынём камісіі Сойму БНФ па сувязях з рабочым рухам (1999), намесьнік старшыні БНФ "Адраджэньне" і Партыі БНФ (1999).

Куратар управы БНФ па Гарадзенскай вобласьці. Пры яго актыўным удзеле стваралася большасць раённых арганізацыяў БНФ у Гарадзенскае вобласьці.

11 студзеня 2003 рашэньнем Сойму БНФ выключаны з партыі БНФ “за дэструктыўную дзейнасьць... і непадпарадкаваньне рашэньням Сойму”.

Старшыня Асацыяцыі прыхільнікаў парлямэнтарызму (1998–1999), кіраўнік сакратарыята Кангрэса дэмакратычных сіл (2000), каардынатар міжпартыйнага цэнтру па вылучэньні прадстаўнікоў у склад выбарчых камісіяў (2001).

Галоўны рэдактар бюлетэня “Кірмаш” з моманту яго стварэння (верасень 1998). Вядомы як заяўнік і арганізатар вулічных акцыяў дэмакратычнае апазыцыі, у тым ліку: Дня волі (1996, 1997, 2000, 2001); Чарнобыльскага шляху (1996–2001).

Ініцыятар стварэньня шэрагу грамадзкіх арганізацыяў ("Малады фронт", Беларускі жаночы рух "За адраджэньне Айчыны" і іншых). У 2004 годзе – каардынатар беларускіх удзельнікаў украінскае Памяранцавай рэвалюцыі. У сакавіку 2006 году адзін з арганізатараў намётавага лягеру на Кастрычніцкай плошчы пасьля прэзыдэнцкіх выбараў.

Цяпер зьяўляецца кіраўніком сэкцыі “Мэмарыял” Беларускага дабраахвотнага таварыства аховы помнікаў гісторыі і культуры, сябра вялікай і малой рады ЗБС “Бацькаўшчына”. З 01.01.2010 секцыя "Мемарыял" Беларускага добраахвотнага таварыства аховы помнікаў гісторыі і культуры спыніла сваю дзейнасць з-за невыканання Пастановы Прэзідыума РС ГА БДТАПГК ад 07.10.2010 г.

Неаднаразова прыцягваўся да адміністрацыйнае адказнасьці за грамадзкую дзейнасьць, быў зьбіты супрацоўнікамі міліцыі пры затрыманьні (у прыватнасьці, у 1998 дастаўлены ў 3-ю гарадзкую бальніцу з дыягназам “зрушаньне мозгу”); пасьля шэсьця і мітынгу 26 красавіка 1996 беспадстаўна затрыманы па крымінальным абвінавачваньні, выпушчаны пад падпіску аб нявыезьдзе толькі пасьля 21-сутачнай галадоўкі, сама справа спыненая ў сакавіку 1997. Шмат разоў быў зьняволены на 10-15 сутак.

У Старадароскім мастацкім музеі экспануецца твор Анатоля Крывенкі ”Партрэт Сіўчыка Вячаслава” (2007).