Малады Фронт

 Крэда Маладога Фронту

1. Мэта МФ – Незалежная, дэмакратычная, эўрапейская Беларусь, пабудаваная на хрысьціянскіх каштоўнасьцях.

2. Мэтавая група МФ – 2 мільёны маладых беларусаў ва ўзросьце 14-31 гадоў.

3. Місія МФ – З новым пакаленьнем вывесьці Беларусь да незалежнасьці, свабоды, дэмакратыі, нацыянальнага і духовага Адраджэньня

4. Задача МФ – Мабілізаваць большасьць беларускай моладзі дзеля грамадзка-палітычнай актыўнасьці, вырашальных вулічных выступаў і перамогі над рэжымам.

5. Стратэгія МФ – Быць ідэйным і арганізацыйным лідэрам беларускае моладзі.

6. Тактыка МФ – Негвалтоўны супраціў, масавыя інфармацыйныя кампаніі, творчыя й розгаласныя акцыі, адукацыя й асьвета.

7. Зьмест МФ – Нацыянальная ідэя – Хрысьціянскія прынцыпы.

8. Форма МФ – Масавы рух, прадстаўлены ва ўсіх раёнах Беларусі.

9. Якасьць МФ – Маладафронтавец – значыць лепшы. Маладафронтавец – маральны ўзор для кожнага маладога беларуса.

10. Колькасьць МФ – Арыентыр для кожнага населенага пункта Беларусі – 1 маладафронтавец на 1000 чалавек насельніцтва.

11. Лёзунгі МФ – “Беларусь – гэта сьвятое!”, “Люблю Беларусь!”, “У нас адна дарога – Беларусь для Бога!”

12. Сымбалі МФ –Бел-чырвона-белы сьцяг, герб “Пагоня”, гімн “Магутны Божа», герб Маладога Фронту – Эўфрасінеўскі крыж на тле шчыта з чырвоным крыжом.

[ Закон аб асновах моладзевай палітыкі ]
[ Статут ]
[ Крэда ]
[ Прысяга ]
[ Герб і сьцяг ]

Зміцер Дашкевіч -

лідэр незарэгістраванага апазіцыйнага беларускага руху «Малады Фронт».

Нарадзіўся 20 ліпеня 1981 г. у Ельскім раёне Гомельскай вобласці, да пяці гадоў жыў на Далёкім Усходзе - у пасёлку ягаднае Магаданскай вобласці. Вялікую частку жыцця правёў у райцэнтры Старыя Дарогі Мінскай вобласці.

Браў удзел у прэзідэнцкай кампаніі 2006 года, падтрымліваючы кандыдата ад апазіцыі Аляксандра Мілінкевіча. Разам з іншымі членамі моладзевага руху прымаў удзел у акцыях пратэсту пасля выбараў і ў кароткачасовым намётавым лагеры на цэнтральнай плошчы Менска. Пасля ліквідацыі намётавага лагера быў арыштаваны разам з іншымі 500-мі чальцамі моладзевага руху.

1 лістапада 2006 года Дзмітрый Дашкевіч быў асуджаны на паўтара гады пазбаўлення волі па арт. 193-1 КК (дзейнасць ад імя незарэгістраванай арганізацыі) з адбываннем пакарання ў Шклоўскай калоніі агульнага рэжыму.

У снежні 2006 міжнародная арганізацыя Amnesty International прызнала Зміцера Дашкевіча вязнем сумлення.

У лістападзе 2007 Дашкевіч быў аштрафаваны па арт. 402 КК «Адмова альбо ўхіленьне сьведкі ад дачы паказанняў» за адмову ад дачы паказанняў супраць сваіх сяброў з Маладога Фронту, у прыватнасці, супраць Івана Шылы.

24 Сакавіка 2011 года Дашкевіч быў асуджаны на 2 гады пазбаўлення волі па арт. 339 КК (хуліганства) за падзеі 19 снежня ў Беларусі.